Çar Rusiyası Azərbaycanda pambıqçılığa niyə önəm verib? Altı, üstü sərvətlərlə zəngin olan Azərbaycan torpağında pambığın nə vaxtdan yetişdirilməyi ilə bağlı dəqiq məlumat yoxdur. İsti iqlimin, münbit torpaqların və əkinçilik ənənəsinin olmağına görə ehtimal edilir ki, pambıq bitkisi bu ərazidə xeyli qədimdən yetişdirilib. Saatlıda arxeoloji qazıntı zamanı erkən Tunc dövrünə aid edilən küp qəbirdən kətan parça qalığının aşkar edilməyidir. Bu tapıntı Saatlı tarix-diyarşünaslıq muzeyində eksponat kimi qorunur. Qədim ipək yolunun üzərində yerləşdiyindən orta əsrlərdə bu diyara növbənöv parça və toxuculuq məmulatları gətirilib.
