Baş Region Sosial

İmişlidə 20 Yanvar faciəsi qurbanlarının xatirəsi yad olunmuşdur

 İmişli rayonunda 20 Yanvar faciəsi qurbanlarının xatirəsi dərin hüznlə yad edilmişdir.

aranxeber.com xəbər verir ki, rayonun bütün idarə, müəssisə və təşkilatlarında 20 Yanvar – Ümumxalq Hüzn Günü Azərbaycanın azadlığı və müstəqilliyi uğrunda mübarizənin rəmzi kimi qeyd olunmuşdur.

Yanvarın 17-də rayonun ümumtəhsil məktəblərində Qanlı Yanvar faciəsinə həsr olunmuş xüsusi dərslər keçirilmişdir. Yanvarın 20-də isə rayon ərazisində matəm əlaməti olaraq Azərbaycanın dövlət bayrağı endirilmişdir.

B gün səhər saatlarından başlayaraq rayonun rəhbər işçiləri, minlərlə sakin İmişli şəhərinin mərkəzindəki 20 Yanvar abidə kompleksinin önünə əklillər və gül dəstələri düzərək azadlıq mücahidlərinə xatirəsinə hörmət və ehtiramlarını ifadə etmişlər.