Ölkə

Helikopter və təyyarələr Bakı səmasında uçuşlar edib

Azərbaycan Hərbi Hava Qüvvələrinin helikopter və təyyarələri Bakıda keçiriləcək hərbi paradın məşqlərini davam etdirir.

aranxeber.com-ın APA-a istinadən verdiyi məlumata görə, bu gün səhər saatlarında aviasiya vasitələri Bakı səmasında növbəti uçuşlar edib.

Məşqlər Azərbaycan bayrağı və Heydər Əliyevin portretini daşıyan iki helikopterin uçuşu ilə başlayıb.

Ardınca helikopter və təyyarələr Bakı buxtası üzərində uçuşlar edib.

Parad Azərbaycan Xalq Cümhuriyyətinin və Azərbaycan Ordusunun 100 iliyi münasibətilə iyunun 26-da Bakının “Azadlıq” meydanında keçiriləcək.