Kürdəmirdə 67, bir kəndində 21 nəfər koronavirusa yoluxub – RƏSMİ

Kürdəmirin bir kəndində virusa tutulanların sayı 21-ə çatıb. 

Aranxeber APA-ya istinadən xəbər verir ki, rayonun Sığırlı kəndində 21 nəfərdə virus aşkarlanıb.

Kürdəmir Rayon İcra Hakimiyyəti başçısının müavini Ağəli Kərimli bildirib ki, indiyə kimi rayon üzrə koronavirusa 67 yoluxma faktı qeydə alınıb. Onlardan 17 nəfər sağalaraq evə buraxılıb. Əsas yoluxma Sığırlı kəndində qeydə alınıb – 21 fakt.

Bundan başqa, Kürdəmir şəhərində 20, Yenikənd kəndində səkkiz, Atakişilər kəndində yeddi, Qağaçılı kəndində üç, Qarşıdakı kəndində üç, Şüşün kəndində üç, Topalhəsənli kəndində bir, Şahsevən kəndində də bir nəfərdə koronavirus aşkarlanıb. 

Ağəli Kərimlinin sözlərinə görə, hazırda Sığırlı kəndi istisna olmaqla, rayonun digər ərazilərində son günlərdə insanlarda virus aşkarlanmayıb:

“Sığırlı kəndində də vəziyyət tam nəzarətə götürülüb. Belə ki, virusa tutulanların sayında hər gün azalmalar müşahidə olunur. 

Ötən gün axşam saatlarından bu vaxta kimi dörd nəfərdə virus aşkarlanıb. Vəziyyətin stabilləşməsi üçün müvafiq qurumlar tərəfindən bütün zəruri tədbirlər görülür”.