Bir müddət əvvəl Biləsuvar rayonunda kanalizasiya sisteminin yenidən qurulması üçün şəhərin əsas küçələrində qazıntı işləri aparılıb. Bu işləri həyata keçirən “Azərsu” ASC işlərini yekunlaşdırsa da yolların bərpası yaddan çıxıb.
Bu barədə yerli sakinlər məlumat verib. Onların sözlərinə görə, yollar artıq yarım ildir ki, bərbad vəziyyətdədir.
Bundan isə ən çox əziyyət çəkən sürücülərdir. Onlar bildirib ki, şəhərin mərkəzi küçəsi ilə yanaşı, Nizami Gəncəvi və Mübariz İbrahimov küçələrində də eyni vəziyyətdir:
“Yollar dağıldığından avtomobillərimizin ehtiyat hissələri tez-tez sıradan çıxır. Yağmurlu havada yol daha da keçilməz vəziyyətə düşür. Digər tərəfdən hərəkət zolağının eninin azalması qəzaların artmasına səbəb olur. Kanalizasiya sistemini yeniləmək məqsədilə yollar qazılıb. Artıq işlər başa çatıb. Buna baxmayaraq hələ də yollar əvvəlki vəziyyətinə qaytarılmayıb”.
Problemlə bağlı “Azərsu” ASC–nin sözçüsü Anar Cəbrayıllı bildirib ki, Biləsuvar rayonunda dövlət büdcəsi hesabına kanalizasiya xətləri tikintisi həyata keçirilib:
“Artıq işlər yekunlaşıb. Həmin ərazidə əks dolğu kipləşdirmə işləri aparılıb. O ki, qaldı yolun asfalt örtüyünün vurulmasına, bu işlər yol təsərrüfatı tərəfindən yaxın günlərdə aparılacaq. Bununla bağlı müqavilə də imzalanıb”.
Layihə rəhbəri, Ülviyyə Babayevanın Aran xəbərə verdiyi məlumata görə, maliyyə savadlılığı zəif və ya heç olmayan MMC-lər və sahibkarlıq subyektləri,…
Atmosferin çirklənməsi insan sağlamlığına çox güclü təsir göstərən amillərdən başlıcasıdır. Çirkli hava bəşəriyyət üçün ən təhlükəli hədədir. Hər nəfəsdə udduğumuz…
“2040-cı ilə qədər şiddətli quraqlıq riskinə görə Azərbaycan 18-ci yerdədir”. Bunu “Azərcosmos”un mütəxəssisi Murad Camalov “İqlim dəyişikliyi və kosmos” adlı…
Azərbaycanın düzən ərazilərinin böyük bir hissəsini əhatə edən Mil və Muğan düzləri Mərkəzi Aran zonasında yerləşir. Mil düzü Kür və…
Sovet hakimiyyəti qurulandan sonra da Azərbaycanda pambıq əkininə önəm verilib. Amma bu dövrdə tətbiq edilən yeni iqtisadi münasibətlər tədricən kəndliləri…