Yeni Xarici İşlər nazirimiz Ceyhun Bayramov ölkə xaricinə ilk səfərini məhz qardaş Türkiyəyə etdi.
Bu səfər Prezident cənab İlham Əliyevin xarici siyasətdə müəyyən etdiyi prioritetin icra baxımından tərkib hissəsi və ictimai nümayişidir.
Ermənistanın Tovuz istiqamətində hərbi-siyasi təxribatı fonunda Rusiya-Ermənistan hərbi təlimlərindən dərhal sonra Türkiyə-Azərbaycan birgə hərbi təlimlərinin baş tutması regional və geosiyasi maraqların Ermənistan-Azərbaycan münaqişəsinə fokuslanmasının təzahürüdür.
Türkiyə Prezidenti cənab Rəcəb Tayyib Ərdoğanın avqustun 11-də ölkəmizin Xarici İşlər və Müdafiə nazirlərini eyni vaxtda qəbul etməsi, qəbuldan yayımlanan foto ilk növbədə Ermənistana, münaqişədə marağı olan tərəflərə diplomatik mesajdır.
Mesajın mənası budur ki, Azərbaycan ərazilərinin qanlı-qadasız sahibinə qaytarılması üçün danışıqlar qapısı işğalçı Ermənistanın üzünə hələ qapanmayıb, belə bir şansı qalmaqdadır.
Əks təqdirdə, Azərbaycan öz torpaqlarını geri qaytarmaq məqsədilə BMT Təhlükəsizlik Şurasının və Baş Assambleyasının qətnamələrinin, beynəlxalq qanunvericiliyin ona verdiyi hüquqdan istifadə haqqını özündə saxlayır və bundan imtina etməyəcək.
Türkiyə Xarici İşlər naziri cənab Mövlud Çavuşoğlunun “Görəcəyimiz çox iş, nail olacağımız çox məsələ var” ifadəsi foto vasitəsi ilə göndərilən diplomatik mesajdakı siyasi iradənin davamı, Türkiyə-Azərbaycan qardaşlığının səmimi ifadəsidir.
Layihə rəhbəri, Ülviyyə Babayevanın Aran xəbərə verdiyi məlumata görə, maliyyə savadlılığı zəif və ya heç olmayan MMC-lər və sahibkarlıq subyektləri,…
Atmosferin çirklənməsi insan sağlamlığına çox güclü təsir göstərən amillərdən başlıcasıdır. Çirkli hava bəşəriyyət üçün ən təhlükəli hədədir. Hər nəfəsdə udduğumuz…
“2040-cı ilə qədər şiddətli quraqlıq riskinə görə Azərbaycan 18-ci yerdədir”. Bunu “Azərcosmos”un mütəxəssisi Murad Camalov “İqlim dəyişikliyi və kosmos” adlı…
Azərbaycanın düzən ərazilərinin böyük bir hissəsini əhatə edən Mil və Muğan düzləri Mərkəzi Aran zonasında yerləşir. Mil düzü Kür və…
Sovet hakimiyyəti qurulandan sonra da Azərbaycanda pambıq əkininə önəm verilib. Amma bu dövrdə tətbiq edilən yeni iqtisadi münasibətlər tədricən kəndliləri…