Təhsil Nazirliyi:”Bütün təhsil müəssisələrində tədris yanvarın 7-də başlanılır”

Son günlər mediada Azərbaycan Respublikası Nazirlər Kabinetinin 2 dekabr 2019-cu il tarixli, 461 saylı qərarına müxtəlif yanaşmalar yer alır.

aranxeber.com xəbər verir ki, bəzi media orqanları 5 günlük tədris müəssisələrində dərslərin 7 yanvar tarixlərdə başlayacağı halda 6 günlük məktəblərdə 4, 6 yanvar tarixlərində də dərslər olacağı ilə bağlı əsassız məlumatlar yayıb.

Bu gün Azərbaycan Respublikası Təhsil Nazirliyi bu məsələyə öz facebook səhifəsində aydınlıq gətirib.

Məlumatda deyilir: “Bu gün bəzi media orqanlarında altıgünlük tədris həftəsi ilə işləyən təhsil müəssisələrində 4-6 yanvar 2020-ci il tarixlərində tədris aparılacağına dair əsassız məlumat yayılıb.

Təhsil Nazirliyi bir daha bildirir ki, Azərbaycan Respublikası Nazirlər Kabinetinin 2 dekabr 2019-cu il tarixli, 461 saylı qərarına əsasən, iş və istirahət günlərinin ardıcıl olmasını təmin etmək məqsədilə 2019-cu ilin 28 və 29 dekabr istirahət günləri ilə 2020-ci ilin 3 və 6 yanvar iş günlərinin yerləri dəyişdirilib. Bu qərara müvafiq olaraq bütün təhsil müəssisələrində tədris yanvarın 7-də başlanılır.”